Lesson / Notes Water Cycle — Paani Kaise Ghoomta Hai Nature Mein
KVContributed by
Kuldeep Verma — shared free on Ocoviz Open Learning
👁 2 students used this · 👍 1 found it helpful
Water cycle ke saare steps simple words mein, bina kisi mushkil ke.
WATER CYCLE (पानी का चक्र)
Water cycle ek continuous process hai jisme paani earth aur atmosphere ke beech ghoomta rehta hai. Isme 4 main steps hote hain:
1. EVAPORATION
Sun ki heat se rivers, lakes, aur oceans ka paani garam hoke water vapor (bhaap) banke upar udta hai.
2. CONDENSATION
Jab water vapor upar jaake thanda hota hai, toh woh tiny water droplets mein badal jaata hai — yehi droplets milke clouds banate hain.
3. PRECIPITATION
Jab clouds mein droplets bahut zyada heavy ho jaate hain, toh woh rain, snow, ya hail ke form mein neeche girte hain.
4. COLLECTION
Yeh paani phir se rivers, lakes, aur oceans mein collect hota hai, aur cycle firse shuru ho jaata hai.
QUICK QUIZ
1. Evaporation mein paani kya banta hai?
2. Clouds kaise banate hain?
3. Precipitation ke 3 forms kya hain?
Was this resource helpful?
1 found this helpful
Share this free resource:
WhatsApp